Doc Rivers gisaytan sa Lakers

CEBU, Philippines – Gidungog nga ang veteran NBA coach nga si Doc Rivers  posibleng kuhaon sa Los Angeles Lakers puli ni Luke Walton.

Hinuon, si Rivers nga maoy coach sa Los Angeles Clippers miingon  nga aduna pa siya'y kontrata sa  koponan ug wala niya direkta nga gitubag ang isyu sa gidungog niyang pagbalhin.

Gamit iyang social media account, si Rivers mitug-an nga suod niyang higala si Magic Johnson tungod kay nagkauban sila niini sa Lakers niadtong dekada 70, apan kontento siya sa kasamtangang pagtagad nga gihatag kaniya sa Clippers.

Ubos    ni  Walton, ang Lakers nga gipangulohan ni three-time champion LeBron James adunay 31-39 record ug wala na'y pag-asa pang makasulod  sa playoffs.

Si Rivers nagsugod og coach sa Clippers  niadtong tuig 2013 diin aduna siya'y 887-654 coaching record. Ang Clippers miabante sa playoffs isip eight seed  bitbit ang 41-30 nga baraha.