James Yap modepensa sa iyang '3-point king' title
CEBU, Philippines – Manalipod si two-time PBA MVP James Yap sa iyang '3-point king' title sa PBA All-Star Week nga sugdan karong Marso 29 didto sa Calasiao, Pangasinan.
Si Yap unang midaog sa maong titulo niadtong 2009, nasundan kini niadtong miaging tuig. Ning higayona, ang Rain or Shine veteran tinguha nga mokulit og 'back-to-back' title.
Mag-atubang hinuon siya og lisud nga hagit batok nila ni Stanley Pringle ug rookie Robert Bolick (NorthPort) Terrence Romeo (San Miguel), Simon Enciso (Alaska), Philip Paniamogan (NLEX), Michael Digregorio (Blackwater), Reden Celda (Columbian Dyip), Baser Amer (Meralco), Roger Pogoy (TnT Katropa) ug Peter June Simon (Magnolia).
Sama ni Yap, tuyo usab ni Rey Guevarra sa Phoenix nga mohimo og sunod-sunod nga daog sa slam dunk competition batok nila ni Renz Palma (Blackwater), Chris Newsome (Meralco), Lervin Flores (NorthPort) ug top rookie pick CJ Perez (Columbian Dyip)
- Latest