JuneMar Fajardo gidayeg ni Andray Blatche
CEBU, Philippines — Ang five-time PBA MVP nga si JuneMar Fajardo miani og pagdayeg gikan sa iyang teammate ug naturalized center sa Gilas Pilipinas nga si Andray Blatche.
Si Fajardo nga mipugos og duwa bisan pa og bag-o lang nakarekober sa hilanat, nakatabang og dako sa Gilas nga maoy gipuli ni Blatche, kinsa na-foul trouble sa ilang duwa batok sa Kazakhstan kagahapon sa kaadlawon.
Gihatagan lang si Fajardo og 12 minutos nga playing time ug napugos ra si Guiao pagpaduwa kaniya dihang kinahanglan na ipagawas si Blatche kay nagtipun-og ang fouls.
Bisan pa niini, si Fajardo nakahimo gihapon pag-iskor og nuybe puntos ug milangkat og pito ka rebounds. Iya usab gipugngan ang mga bigmen sa Kazakhstan nga makasud sa ilawom nga bahin sa ring.
- Latest
