Age Group chessfest mosikad sa bag-ong tuig

CEBU, Philippines — Ang bag-ong tuig sa Cebu sports mosikad pinaagi sa pagpahigayon sa Visayas leg sa National Age Group Chess Championships 2019 karong Enero 3-5 diha sa SM Seaside City.

Katorse ka mga kategoriya ang kumbatihan, apil na ang Under 8, Under 10, Under 12, Under 14, Under 16, Under 18 ug Under 16. Dunay lahi nga mga events sa open ug girls.

Gawas sa luna ngadto sa national finals, ganting salapi ang iapud-apod ngadto sa nag-unang tulo ka mananaog. Ang makampiyon mobulsa og P3,000 samtang ang mopahiluna sa ikaduha ug ikatulong dapit modawat og P2,000 ug P1,500. Ang 4th ug 5th dunay konsolasyon nga P500 matag usa.

Kadto maglangkob sa top 10 sab-itan og medalya.

Ang registration nagkantidad og P600. Alang sa dugang mga detalye, mahimong mokontak ni Eduard de la Torre sa 0908-1635144. Mahimo sab nga mopadala og e-mail sa [email protected] o mobisita sa Ayala Chess Club ug pangitaa si Rodrigo 'Boy' Alejandre. (BANAT NEWS)