PSC nagpasaklolo na sa DOJ

MANILA, Philippines — Nakipag-ugnayan na ang Philippine Sports Commission sa Department of Justice kahapon para sa pagpapatupad sa kanilang mandato ukol sa disbursement ng pondo sa elite at grassroots sports.

Nagpahayag ng saya si PSC Chairman William Ramirez sa kahandaan ng DoJ na tumulong ukol sa mga problema na kinakaharap ng sports agency lalung-lalo na sa mga unli­quidated financial assistance na i­pinamigay sa iba’t ibang National Sports Associations (NSAs).

“The PSC wants to seek guidance and promote accountability and good governance among National Sports Associations, organizations and other stakeholders,” sabi ni Ramirez.

Pinirmahan ni Ramirez mismo ang Memorandum of Agreement (MOA) habang si DoJ  Asec. Margaret V. Castillo-Padilla naman ang pumirma para sa DoJ.  Si Castillo-Padilla ang kumatawan kay DoJ Secretary Menardo I. Guevarra sa MOA signing sa PSC administrative building sa RMSC complex.

“I am very happy that this inter-government collaboration with DoJ is finally happening,” dagdag pa ni Ramirez.

Sinabi ni Castillo-Padilla na handang tulungan ng DoJ ang PSC para maisa­katuparan ang Implemen­ting Rules and Regulations (IRR) na  kailangang gawin ukol sa financial assistance na ibinibigay ng PSC.

“The DoJ is here to help the PSC in enforcing their standing Implemen­ting Rules and Regulations (IRR) and help on issues of mishandling financial assistance and on other matters which may be consulted with them,” dagdag ni Castillo-Padilla.

Kasama rin ni Ramirez si acting DED-BCSSS Atty. Guillermo Iroy, Jr. sa nababing MOA signing.

“For the past 28 years, this is the first time the PSC partnered with DoJ and we are hoping that this positive move will help create unity among us,” pahayag naman ni Atty. Iroy.

Samantala, magbubuo ang PSC ng task force para mag-coordinate sa pagsa-ayos sa mga kaso at mga gusot na kinakaharap ng iba’t ibang NSAs alinsunod sa pangangailangan ng DoJ.