Island Hot Wings abante na sab sa semis
CEBU, Philippines — Nakabawos ang Island Hot Wings ngadto sa Ejay & Ejean Sportswear sa ilang 'knockout' match, 69-59 ug hingpit na nga miabante sa semifinals sa FYA Basketball Tournament (Season 22) Pastrano's Special Chicharon Cup 2018 niadtong Martes sa Atillo gym sa Labangon.
Nagmangtas na sab si Ranel 'The Tank' Patalita ug gipangulohan ang Island Hot Wings pinaagi sa iyang 18 puntos, 11 ka rebounds ug walo ka assists aron pasidunggan isip best player of the game. Si Daniel Enriquez mitampo og 16 puntos, samtang si Jeramie Flores miabuno'g 10 puntos sa Island Hot Wings nilang Junrey Arreglo ug Atty. Grace Bactol.
Bugtong si Regel Tabares lang ang miiskor og double figures sa Ejay & Ejean Sportswear ni Noel Medalle nga mitahi og 13 puntos.
Ang Yoyi's Pastries & Desserts milubong sa Z&G Pro Audio, 111-94 aron makuha ang katapusang luna sa semis.
Ang 'best player of the game' nga si Jao 'The Furious' Rabadon maoy nangu sa kadaogan pinaagi sa iyang 33 puntos, 12 rebounds ug unom ka assists. Mikawat sab og salida silang Reyboy Caballes, Ahlmark Albarracin, Charles
Limbaga ug Julz Aglipa alang sa Yoyi's Pastries nga mi-rally sa second half aron pagpahilom sa Z&G Pro Audio ubos sa liderato ni Mervin Manila nga miduslit og 23 puntos.
Sila si Dexter Caballero ug Rommel Laput nagkumboya'g 27 puntos sa napildeng Z&G Pro Audio nilang Dave Natividad ug Macky Macachor.
PUNTOS MATAG USA
Unang duwa:
ISLAND Hot Wings (69) – Patalita 18, D. Enriquez 16, Flores 10, Ensong 8, Sy 8, Arias 5, J. Arreglo 4, Baltonado 4, Laud 4.
EJAY & Ejean (59) – R. Tabares 13, J. Enriquez 9, Sydiongco 8, N. Medalle 7, Sabijon 6, Labrador 6, Marata 4, A.J. Abella 2,
W. Dacayana 2, Demol 2.
Ikaduhang duwa:
YOYI's Pastries (111) – Rabadon 33, R. Caballes 19, Albarracin 14, J. Aglipa 13, Limbaga 13, S. Aglipa 6, Hanginon 6, S.
Enriquez 4, Mata 2, Salvador 1.
Z&G Pro Audio (94) – Manila 23, D. Caballes 22, D. Caballero 17, Laput 10, Regudo 8, Dechosa 5, Quintos 5, Macachor 2,
Tolentino 2.
- Latest