E&F Surplus miarangkada batok Gladiator sa CLBA
CEBU, Philippines – Miarangkada'g 15 puntos matag usa sila si Fury Trazona ug Alvin Gestopa aron pangulohan ang pagratsada sa E&F Surplus nga mipilde sa Gladiator, 75-65 sa CLBA Basketball Tournament Season 1 Union Galvasteel Cup niadtong Sabado didto sa GT Academy gym sa Tayud, Lilo-an.
Wala sab paalkansi si Warren Laude nga mipahaguros og 14 puntos sa E&F Surplus nga sa halftime pa lang nakapanimaho na og daog human kini milabaw og 17 puntos sa iskor nga 38-21.
Ang bugtong konsuylo lang sa Gladiator mao nga nakan-an nila ang labaw ngadto na lang sa single digit human sa duwa.
Sa laing aksiyon, midaog gyud ang Aboitiz human makaeskapo gikan sa mga kamot sa Savannah Bakery, 76-73.
Gipagulohan ni Randy Bejoc ang Aboitiz nga mirehistro og 19 puntos, gisundan ni Niel Lato nga miamot og 16 puntos, ingon man ni Anecito Pitogo nga mitimbre'g 10 puntos.
Ang Gentech miiskor sab og daog batok sa St. Augustine.
Dili basta-basta ang kadaogan sa Gentech kay ila man nga gilubong og 30 puntos ang St. Augustine sa iskor nga 87-57.
Ang liga nga nahimo pinaagi sa panagtambayayong sa presidente niining si Arnold Labustro ug bise presidente Henry Agbon, gipadagan ni commissioner Fury Trazona.
PUNTOS MATAG USA
Unang duwa:
E&F Surplus (75) – Trazona 15, A. Gestopa 15, Laude 14, Igot 10, Ponce 6, Sabang 6, Ursal 6, Pepito 3, Sabang 1.
GLADIATOR (65) – Quinaging 20, Perito 13, Basaga 10, Ursal 8, Gens 6, Gens 2, Pepito 2, Jugalbot 2.
Ikaduhang duwa:
GENTECH (87) – Seno 24, Canizares 11, Cabunelas 11, J. Senining 10, Demape 9, Garciano 5, G. Senining 5, Manatad 5, Pasanon 2, Sanangote 2, Aballe 2.
ST. Augustine (57) – Rondina 9, Sison 7, Berame 6, Pepito 6, Pepito 5, Lucas 5, Commendador 3, Camiguin 2, Pepito 1.
Ikatulong duwa:
ABOITIZ (76) – Bejoc 19, Lato 16, Pitogo 10, Belarmino 8, Maglasang 7, Wenceslao 7, Seton 4, Malicay 3, Jordan 1.
SAVANNAH (73) – Pilapil 17, Duavis 11, Riveral 8, Dion 6, Maglasang 5, Uriarte 5, McPride 4, Kintanar 4, Cabahug 3, Cuyos 2.
- Latest
