Junior Altas Spikers handa sa pagdedepensa ng korona sa NCAA
MANILA, Philippines — Walang ibang hangad ang Perpetual Help Junior Altas Spikers kundi ang makamit ang pang-limang sunod na korona.
Sisimulan ito ng Junior Altas sa pagbubukas ng National Collegiate Athletic Association (NCAA) Season 94 juniors volleyball tournament sa Nobyembre 23 sa Fil Oil Flying V Centre sa San Juan City.
Muling sasandal ang Junior Altas nina coaches Sandy Rieta at Jason Sapin sa apat na miyembro ng ‘four-peat’ team na sina Most Valuable Player Kirth Rosos, Best Opposite Spiker Noel Kampton, middle blocker Karylle Parce at setter Christian Hidalgo.
Sila ang iniwan nina EJ Casaña, Jody Severo, Ivan Encila, Ryugi Etorma, Aljoe Sereño, Vergel Golloso, Vince Lorenzo, Carlo Isidro, Marvien Castillo at Aljhon Abalon.
“Ang target namin ngayon ay maipanalo ang bawat laro namin para makapasok sa Final Four and also defend the title,” wika ni Rieta.
Ipaparada din ng Junior Altas ang 11 rookies na sina libero Arianne Teodoro ng Pulupandan, Negros Occidental, opposite spiker Sherwin Caritativo ng Rosales, Pangasinan, Hero Austria ng St. Francis of Assisi College Las Piñas, Joshua Zareno ng Lyceum, Cagayan Valley, setter Dominique Gabito ng Arcelo Memorial ng Cebu, Mark Coguimbal ng Calatagan, Batangas, Derick Germono ng Manaoag, Pangasinan at Jonas Hernandez ng Molino, Cavite.
Ayon kay Rieta, naging maganda ang resulta ng kanilang mga sinalihang torneo.
“Naging maganda ang pre-season ng mga bata, they won in Imus Invitational Cup last summer 2018, they captured their 4th consecutive championship in League of Southern Metro School (LSMS) from year 2015, 2016, 2017 and 2018 beaten perennial contender La Salle Lipa City,” dagdag ni Rieta
Ang Junior Altas ang ikalawang winningest team sa liga na may 10 korona simula nang sumali noong 1984 kasunod ng San Sebastian College-Recoletos Staglets na may 15 titulo.
Sisimulan ng Junior Altas ang kanilang kampanya sa pagsagupa sa San Beda Red Cubs sa Nobyembrte 23.
- Latest