Carmelo moduwa sa Puerto Rico?
CEBU, Philippines — Wala pa'y bisan usa ka koponan nga mipakita og interes pagkuha ni kanhi All-Star Carmelo Anthony duha ka adlaw human siya buhii sa Houston Rockets.
Apan ang national team sa Puerto Rico miingon nga andam sila mokuha sa serbisyon ni Anthony.
Ang 10-time All-Star nga si Anthony adunay dugo nga Puerto Rican hinungdan nga si Dallas Mavericks point guard ug team captain sa national team nga si J.J. Barea namasin nga mabira nila kini gikan sa Team USA.
Si Anthony adunay tulo ka Olympic gold medals uban sa USA, apan si Barea positibo nga moserbisyo usab si Anthony sa Puerto Rico.
"With his connection to Puerto Rico, his NBA stardom and his experiences, our fans would love it," matud pa ni Barea sa ESPN5.
Dili maayo ang nadangatan sa pagbalhin ni Anthony sa Rockets gikan sa Oklahoma City Thunder tungod kay wala gyud siya kapakita sa iyang katakus gumikan sa team chemistry.
Wala pa hinuon mipagawas og opisyal nga pamahayag ang 33-anyos nga si Anthony kabahin sa sunod niyang lakang, apan giklaro na sa iyang ahente nga dili pa kini moretiro sa basketbol.
- Latest