Sunday.com 5th season andam na
CEBU, Philippines – Plansado na ang tanan alang sa opening sa Sunday.com 5th Conference basketball tournament karong Domingo diha sa Mandaue City Cultural and Sports Complex.
Sugdan kini pinaagi sa tradisyonal nga parada sa mga partisipanteng koponan sa alas-12:30 sa hapon.
Pito ka koponan ang mosalmot ning tuiga nga pangulohan sa team Alitz ug karibal niining Bulldogs. Lain pang mopakita'g aksiyon mao ang Uniform Solutions, Stallions, Half Bake, 1Med ug Philips Azurion.
Matud pa ni Sunday.com president Camelo 'Tata' Nadera nga barangayan ang format sa maong tinuig nga liga.
Ang mga teams moduwa og single round robin format diin ang top four moabante sa crossover semifinals. Ang mga modaog maoy mag-abot sa kampiyonato karong Disyembre.
Ang awarding ceremony usahon atol sa tinuig nga Christmas Party sa Sunday.com ballclub.
- Latest