Jefferson miretiro sa NBA

CEBU, Philippines — Ang multiple All-Star ug one-time NBA champion nga si Richard Jefferson hingpit nga mi-anunsiyo sa iyang pagretiro sa NBA.

Si Jefferson katapusang miduwa sa Denver Nuggets sa miaging season ug midaog siya sa labing una niyang NBA title niadtong tuig 2016 uban sa Cleveland Cavaliers.

Ang 38-anyos nga si Jefferson nahimong usa ka sinaligang keyplayers sa iyang taas nga panahon sa NBA ug gawas niana, aduna usab siyang Olympic bronze medal uban sa Team USA atol sa 2004 Athens Olympics.

Sa 17 niya ka season sa NBA, si Jefferson miduwa usab uban sa Dallas Mavericks, Utah Jazz, Golden State Warriors, San Antonio Spurs, Milwaukee Bucks ug New Jersey Nets.

Ang high-flyer nga si Jefferson adunay career-average nga 12.6 points, 4.0 rebounds ug 2.0 assists. (BANAT NEWS)