Pilipinas kinahanglan modaog sa Qatar

CEBU, Philippines — Kinahanglan nga modaog   ang   Pilipinas sa   ilang  duwa  batok sa Qatar  aron dili mongitngit ang ilang paglaum ug maapil sa top 3 sa 2019 FIBA World Cup qualifiers. 

Ang duwa sa Pilipinas ug Qatar gitakda ugma sa alas-7:30 sa gabii didto sa Smart Araneta Coliseum.

Ang Pilipinas  adunay 4-3 win-loss record ug kinahanglang   modaog sila sa Qatar aron dili mameligro.

Ang top 3 teams human sa torneyo maoy morepresentar sa Asya alang sa World Cup. Sa pagkakaron, ang Australia ug Iran ang nagkupot sa No. 1 ug No. 2 spots sa standing sa ilang 6-1 win-loss records.

Si coach Yeng Guiao mipahimangno sa iyang mga batos nga dili mokompiyansa sa Qatar nga seguradong mamawi human mapilde ngadto sa Australia.

Dili man sama kalig-on sa Australia ug Iran, apan ang Qatar dili kabentahaan tungod kay anaa kanila ang kanhi NBA cager nga si Tanguy Alban Ngombo. May rason hinuon nga malipay si Guiao tungod kay makaduwa na uban nila silang  Japeth Aguilar ug Matthew Wright, kansang  ilang   one-game suspension naserbisyohan. Wala pa hinuo'y seguro kon makaduwa na ba si Greg Slaughter, apan si Guiao andam gihapon bisan   wala  ang Sugboanong sentro.