Khan midaog, gusto isunod si Pacquiao

CEBU, Philippines — Milampos ang British boxer nga si Amir Khan sa pagkulit og impresibong daog sa iyang comeback fight kagahapon dihang iyang gikulata si Samuel Vargas didto sa England.

Ang kanhi junior welterweight world champion wa mihatag og tsansa sa iyang kaatbang nga makaporma aron labnihon ang unanimous decision nga kadaugan.

Hinuon mas mimugna og kasikas ang kadaugan ni Khan dihang iyang gihagit pag-usab ang Pinoy boxing icon nga si Manny Pacquiao alang sa usa ka sangka karong tuiga.

Si Khan dugay na nga mihagit ni Pacquiao sukad pa kaniadto ug misamot iyang gusto nga sangkaon kini human milampos ang Pinoy boxing superstar pagsakmit sa WBA welterweight title niadtong Hulyo batok Lucas Matthysse. (BANAT NEWS)