4Nichols Farm miharbis og daog
CEBU, Philippines — Ang playing coach nga si William Alegado mao na sab ang nangulo sa 4Nichols Farm nga midemolis sa RJ Store, 98-82 sa 13th J&J Surplus Ballclub basketball tournament niadtong Sabado didto sa GT Academy gym sa Tayud, Lilo-an.
Si Alegado mibugwal og 25 puntos sa 4Nichols Farm nga biya og usa ka lugas human sa tulo ka kuwarter, 66-67, apan kalit lang sila nga nanginit sa fourth quarter aron pagbuntog sa RJ Store.
Mikugi sab og bugwal si Edwin Apas aron mohipos og 21 puntos. Natakdan sab sa iyang mainitong kakugi silang Edmund Cañete, Longjhey Japos ug Noli Lascuña nga parehong mitikdol og double figures sa 4Nichols Farm nga gilubong og 10 puntos sa first period, 16-26.
Si Joel Sayta mihakot og 17 puntos, samtang si Francis Nogas mikabya og 13 puntos sa RJ Store ni Jun Rayan Pepito.
Naka-double digits sab si Arnel 'Cdu' Pepito sa napildeng koponan pinaagi sa iyang 12 puntos.
Sa laing aksiyon, ang Veneranda mitunol og laing kapildihan ngadto sa Union Galvasteel, 84-71.
Gipangulohan na sab ni Ardiente ang kadaogan pinaagi sa iyang 29 puntos, gisundan ni Michael Gandiongco nga adunay 15 puntos, samtang sila si Campaña ug Johnrey Lecciones nagkumboya'g 26 puntos sa Veneranda ni Jojo Satuita.
Dominante kaayo ang Veneranda sa maong duwa, gani ila pa nga gilubong ang Union Galvasteel sa halftime sa iskor nga 42-30.
Ang Union Galvasteel ni Arnold Labustro gipangulohan ni Manolito Dejarme nga mikamada og 25 puntos.
Si Julius Orongan miamot og 12 puntos, samtang nag-amotay og 10 puntos sila si Jaybee Gellocane ug Bobong Tiongzon sa walay daogdaog nga koponan.
Ang liga nga nahimo uban sa bendisyon sa presidente niining si Henry Agbon, gipadagan ni commissioner Fury Trazona sa abag nilang Choy Pilapil, Harris Perez ug Chokoy Trazona.
PUNTOS MATAG USA
Unang duwa:
4NICHOLS (98) – Alegado 25, Apas 21, Cañete 13, Japos 12, Lascuña 11, Cortes 6, Berandal 4, R.
Ponce 4, Monte 2.
RJ Store (82) – Sayta 17, Nogas 13, A. Pepito 12, Cortes 9, Caparroso 8, Montejo 7, Noynay 6, Arocha
6, Rojo 4.
Ikaduhang duwa:
VENERANDA (84) – Ardiente 29, Gandiongco 15, Campaña 14, Lecciones 12, Layese 8, Berdin 4.
UNION Galvasteel (71) – Dejarme 25, Orongan 12, Gellocane 10, Tiongzon 10, Arlabs 5, Lozano 4,
Obial 4, Judaya 3.
- Latest
