Kaparian lukop nasud moapil liga sa basketbol
CEBU, Philippines — Kapin sa 500 ka mga pari gikan sa nagkadaiyang diocese ug religious congregation sa tibuok nasud ang moduwa sa 5th Spring Rain Mission's Cup Inter-Clergy Basketball Tournament nga gikatakda sa Hulyo 16-20 diha sa Sacred Heart School gym.
Ang maong torneyo usa sa mga highlights sa ika-10 nila nga anibersariyo. Ang Spring Rain Global usa ka consultancy firm nga motabang sa financial planning ug philantrophy.
Magsilbe nga usa ka charity event ang torneyo diin ang mga koponan maningkamot nga modaog alang sa napili nilang adbokasiya sama sa home and shelter, feeding program, libreng edukasyon ug scholarship sa kabus nga mga tinun-an.
Ang mokampiyon makadawat og P100,000.
Sa pagkakaron, aduna pa'y 11 ka koponan ang mipadayag sa ilang pagsalmot ug kini mao ang Augustinian Recollect (OAR), Manila Archdiocesan and Parochial Schools Association (MAPSA), Cebu Clergy, Rogationist, Diocese of San Carlos, Diocese of Calbayog, Diocese of Davao, St. Camillus, Canossian Son of Charity, Diocese of Kalibo ug Diocese of Maasin.
- Latest
