San Miguel vs Ginebra
CEBU, Philippines — Mag-abot na gyud ang managsuong koponan San Miguel Beermen ug Barangay Ginebra Kings karong alas-7 sa gabii sa PBA Commissioner's Cup didto sa Mall of Asia Arena.
Sa dili pa ang ilang duwa, magsangka una ang TNT KaTropa ug NLEX Road Warriors sa alas-4:30 sa hapon.
Ang San Miguel ug Ginebra pulos gitan-aw nga title contender, apan daw naglisud sila sa ilang kampanya diin aduna pa lang sila'y tagsa ka daog. Ang San Miguel adunay 1-3 win-loss record, samtang ang Ginebra nagbitbit og 1-4 nga baraha.
Gawas nga pulos gutom og daog, atngan usab ang panagharong sa duha ka kanhi teammates sa Alab Pilipinas nga sila si Justin Brownlee sa Ginebra ug Renaldo Balkman sa San Miguel.
Masaksihan usab ang subling panagbangga sa korte nila ni JuneMar Fajardo ug Greg Slaughter.
- Latest