Onuaku pabilin sa Meralco

Giklaro ni Meralco Bolts coach Norman Black nga dili sila musunod sa ubang PBA teams nga nag-ilis og import ug magpabilin gihapon si ex-NBA bigman Arinze Onuaku nga ilang reinforcement sa Commissioner's Cup.

Ang Meralco napilde na og kaduha sud sa lima nila ka duwa, apan si Black salig gihapon ni Onuaku nga matarung ang ilang kampaniya.

Russel na-ospital

Daling gihatud sa tambalanan ang 84-anyos nga NBA legend nga si Bill Russell human kini naglisud pagginhawa tungod sa kakuwang sa tubig sa lawas.

Si Russell maoy naghupot sa rekord sa labing daghan nga NBA titles sa iyang 11 ka kampiyonato. Siya ang naghari sa NBA uban sa Boston Celtics niadtong dekada 60.

Barriga nanginit

Nagpanikad na ang kanhi Olympian ug No.1 contender nga si Mark Barriga nga sunod makigsangka sa IBF minimumweight champion sa Japan nga si Hiroto Kyoguchi.

Si Kyoguchi sunod modepensa ni Barriga human siya midaog sa iyang title defense kagahapon batok sa kanhi way pilde ug laing Pinoy boxer nga si Vince Paras.