Tabac, Andrin nidominar sa Argao Trail Run
CEBU, Philippines – Sila si Elias Tabac ug Cherry Andrin maoy nidominar sa tagsa-tagsa nila ka dibisyon sa 7th Argao Highland Endurance Trail Run sa miaging adlaw didto sa Argao.
Si Tabac mitapos sa makutas nga rota nga may gilay-on nga 25-kilometros sud sa usa ka oras, 18 minutos ug 44 segundos aron makuha ang men's title. Nagsunod kaniya ang pro-boxer nga si Ian Refuela sa oras nga 2:20:40, samtang si Florendo Lapiz mikapyot sa ikatulo nga mioras og 2:21:43.
Sa iyang bahin, ang teen running sensation nga si Andrin maoy labing unang female runner nga milabang sa finish line sud sa tulo ka oras, 17 minutos ug 38 segundos, gisundan ni Jelma Monsanto sa oras nga 3:18:33. Ang iyang maguwang nga si Lovely Andrin mipahiluna sa ikatulo uban ang oras nga 3:36:45.
Ang tinuig nga lumba maisip nga usa sa mga sikat nga trail run sa Sugbo. Ning higayona, 132 ka mga runners ang miapil, mas daghan sa miaging tuig nga adunay 80 ka mga entrante.
- Latest