Pacquiao batok Matthysse madayon gyud
CEBU, Philippines — Nahingpit na ug gikompirmar ni boxing promoter Oscar De la Hoya kagahapon nga madayon gyud ang away nilang World Boxing Association welterweight champion Lucas Matthysse sa Argentina ug Manny Pacquiao karong Hulyo 14 didto sa Kuala Lumpur, Malaysia.
Ang Pinoy ring star maoy unang mipahibalo sa iyang plano nga moaway ni Mathysse sa miaging bulan.
Apan sa usa ka pamahayag sa Twitter, si De la Hoya nagkanayon nga ang sangka nilang Pacquiao ug Mathysse selyado na.
“Signed, sealed, and delivered: Proud to officially announce that WBA welterweight world champion @MatthysseLucas will put his title on the line against @mannypacquiao in Kuala Lumpur, Malyasia on Saturday night July 14 (US time),” sa suwat ni De la Hoya.
Sa iyang bahin, ang 39-anyos nga si Pacquiao naglantaw sa unahan sa usa ka malisud nga bugno batok ni Mathysse nga modepensa sa iyang bakus.
“This is going to be a tough fight. Matthysse is also a knockout artist. But I'm excited to fight and be a world champion again,” matud pa sa bugtong eight-division world champion sa kasaysayan sa boksing nga si Pacquiao.
Midugang si Pacquiao nga siya ang dehado sa tapad, apan himuon kini niyang motibasyon aron sakmiton ang korona.
“I’m the underdog in this fight but I’m used to it. It serves as a big motivation for me to train and fight hard to win the crown,” dugang pa ni Pacquiao.
Si Pacquiao wala na makaaway human kini langkati sa iyang WBO welterweight title ni Jeff Horn pinaagi sa controversial split decision niadtong Hulyo sa miaging tuig didto sa Brisbane, Australia.
Samtang si Matthysse nga dunay 39-4 record uban ang 36KOs, mibira sa bakanteng WBA belt human gipilde si Teerachai Sithmorseng sa Thailand niadtong Enero.
- Latest