‘Out-of-towners’ nagbaha sa 2018 Thirsty football festival
CEBU, Philippines — Dul-an sa 100 ka out-of-town teams ang mopakita’g aksiyon sa 2018 Thirsty Football Festival nga mosikad na karong Biyernes diha sa Cebu City Sports Center.
Ang mga bisitang koponan nagagikan sa Bohol, Dumaguete, Iloilo, Roxas, Leyte, Butuan, Masbate, Tacloban, Iligan, Cagayan de Oro ug Capiz.
Sa kinatibuk-an, miabot ngadto sa 3,150 ka partisipante nga gibahin ngadto sa 234 teams ang mosalmot sa labing dako nga football festival sa Sugbo.
Mikunhod hinuon ang gidaghanon sa teams itandi sa miaging edisyon, apan gituyo sa mga organizers nga limitahan ang mga entrante.
Dunay 14 ka kategoriya ang kumbatihan gikan sa 7-under ug 45-above.
Ang men’s open division mihakot sa labing daghan nga entrante uban ang 36 ka teams samtang ang women’s category dunay 16 ka mga koponan. (BANAT NEWS)
- Latest
