Apyak Sabang bayani sa E-F Surplus
CEBU, Philippines - Ang duha ka free throws ni Apyak Sabang sa nahabiling dos segundos sa fourth quarter maoy nakasalbar sa E-F Surplus nga nakaipsot sa higpit nga duwa batok sa Jammers, 61-60 sa J&J Surplus Ballclub 7th Conference niadtong Sabado didto sa GT Academy gym sa Tayud, Lilo-an.
Si Apyak igo lang miiskor og tres puntos, apan ang iyang mabayanihong duwa maoy nitunol sa E-F Surplus og 5-1 nga baraha.
Nangulo sa E-F Surplus mao si Tata Betinol nga miariya og 21 puntos.
Sa laing bahin, ligas sab kaayo ang duwa sa Victorious Eagle nga igo lang sab midaog og uno punto batok sa J/J Surplus, 71-70.
Tulo ka players sa Victorious Eagle ang miiskor og double figures alang sa ilang 3-2 nga baraha.
Walay nakapugong ni Henry Agbon bisan aduna kini dakung samad sa iyang kilay nga nakapainit sa iyang duwa aron pangulohan ang napilde niyang koponan nga J/J Surplus pinaagi sa iyang 31 puntos. Laing duha niya ka teammates ang miiskor sab og double digits alang sa ilang 3-3 nga baraha.
Makawat unta sa J/J Surplus ang labaw dihang labaw lang og uno punto ang Victorious Eagle, 71-70, apan wala masud ang lay-up ni Agbon nga nakahugno nila.
Puntos matag usa
Unang duwa:
E-F Surplus (61) – T. Betinol 21, Tranghia 9, Fury 8, Villahermosa 4, K. Sabang 3, A. Sabang 3, Palo 3, Amer 2, Caballes 2, Vallejos 2, Arjie 2, A. Betinol 2.
JAMMERS (60) – Jesus 11, JR 9, Jocel 8, Nepelito 7, Tata 6, Lando 6, Regan 4, Warren 3, Kenneth 2, Ricky 2, Albert 2.
Ikaduhang duwa:
VICTORIOUS Eagle (71) – Lascuna 18, Belotendos 16, Lascuna 16, Bayonla 9, Patalot 8, V. Pepito 4, C. Lascuna 2, G. Pepito 2, Calipes 2, Silorio 2, Badajos 2.
J/J Surplus (70) – H. Agbon 31, Tiwan 15, Mangubat 10, Agbon 7, J.H. Agbon 2, Robert 2, Dela Cruz 2, Patiluna 2, Hayahay 2, Astillero 2, Echiverri 2, Genteroloso 2. (BANAT NEWS)
- Latest
