OPSI mopahigayon og “Rumble sa Masbate” sa Marso 8
CEBU, Philippines - Ang Omega Pro Sports International mopahigayon sa labing una niining boxing promotion gawas sa Sugbo pinaagi sa “Rumble sa Masbate” karong Marso 8 didto sa Cawayan, Masbate. Kini ilang pasiugdahan agi’g pagtambayayong ni Cawayan Mayor Ramon Abinuman.
Sa nahauna niining plano, ang OPSI mopasundayag unta og “Rumble sa Talamban” karong Pebrero 18, apan ila kining gibalhin ug adto na kini mahitabo sa Masbate.
Mosalida sa main event mao si Jhaleel Payao (14-1, 8KOs) sa Omega Boxing Gym nga moaway alang sa bakanteng PBF bantamweight title batok sa Boholanong si Jason Tinampay (8-3-1, 7KOs).
Sa supporting main event, si Jimboy Haya (9-3-2, 6 KOs) sa Omega Boxing Gym makigpinaksitay sa wa’y pildeng knockout artist nga si Ken Jordan (4-0-1, 4 KOs) sa General Santos.
“There was a clamor to bring top-notch boxing to Masbate and we decided to stage the first Rumble event in Cawayan in partnership with Mayor Abinuman,” matud pa ni OPSI President Pio Paulo Castillo.
Human sa Masbate, ang OPSI modalit og “Who’s Next? 4 karong Marso 18 diha sa Waterfront Cebu City Hotel and Casino. (BANAT NEWS)
- Latest
