Wiljun Camay mihimo’g career-high
CEBU, Philippines - Ang team owner sa CEI Brokers nga si Wiljun ‘Sugar’ Camay mihimo sa iyang career-high 16 puntos atol sa ilang kadaugan batok sa Chamber of Customs Brokers, Inc. (CCBI), 65-66 sa BOC Friendship Cup Christmas League niadtong Martes didto sa Barangay Tinago gym, siyudad sa Sugbo.
Ang CEI pabiling naghupot sa solong liderato sa ilang 5-0 nga baraha, samtang ang CCBI wala pa'y daog sud sa lima ka duwa.
Gawas ni Camay, si Junjun Genobiagon mihimo sab og double figures sa iyang 13 puntos.
Usa sa namuntos alang sa CCBI mao si Roel Labrador, kinsa mihimo’g otso puntos lakip ang duha ka assists.
Sa laing duwa, gipakuratan sa Alburo Brokers ang MP Brokers sa iskor 65-55.
Si Elvis Labares maoy nangu sa Alburo Brokers sa iyang 14 puntos, samtang laing duha niya ka kauban ang miamot sab og double figures.
PUNTOS MATAG USA
Alburo Brokers (65) – Labares 14, Marata 13, Minosa 12, Bacor 5, Canlas 4, Melencion 2, Alburo 2.
MP Brokers (55) – Jadraque 15, Bensi 8, Pendang 7, Enriquez 6, Elloren 6, Amistoso 5, Pangue 5, Sumalinog 3.
- Latest
