Asi adunay saktong suporta
Alirungan sa mga batan-on ug lagsik nga mga teammates si veteran center Asi Taulava sa kampaniya sa NLEX Road Warriors sa sunod season sa PBA.
Si NLEX coach Boyet Fernandez miingon nga dili na mahagu si Taulava tungod kay aduna na siyay igong suporta sa opensa ug depensa.
Castro nakadawat og tanyag
Gitug-an ni Gilas Pilipinas guard ug FIBA Mythical Five member Jayson Castro nga nakadawat siya og mga tanyag gikan sa mga US basketball agents aron moduwa sa Estados Unidos.
Hinuon mibalibad si Castro tungod kay aduna pa siyay kontrata uban sa Talk ‘N Text Tropang Texters sa PBA.
Kaso batok Pippen giatras
Naibtan sa tunok sa tutunlan si NBA Hall-of-Famer Scottie Pippen human giatras na ang kasong pagpangdagmal batok kaniya.
Si Pippen gireklamo sa usa ka Camran Shafingi niadtong tuig 2013 human sa pasangil sa nauwahi nga gidapatan siya ni Pippen kinsa iyang gihangyu nga magpahulagway.
- Latest
