Tinalo ang Lady Stags at Jr Pirates sa game 1 ng finals: Lady Chiefs, Jr Altas abot-kamay ang titulo

MANILA, Philippines - Isang panalo na lamang ang kailangan ng La­dy Chiefs at ng Junior Altas para tuluyan nang makopo ang korona sa women’s at high school division, ayon sa pagkakasunod.

Ito ay matapos magtala ng magkahiwalay na pana­lo ang Perpetual Help at ang Arellano University sa 90th NCAA volleyball tournament kahapon sa The Arena sa San Juan City.

Pinabagsak ng Lady Chiefs ang San Sebastian Lady Stags, 25-18, 25-15, 20-25, 25-19, para makalapit sa hinahangad na ka­u­na-unahang women’s title sapul nang sumali sa li­ga limang taon na ang na­kararaan.

“Our goal is to give the school its first title and hopefully we could accomplish it on Friday,” wika ni Arellano head coach Obet Javier.

Umiskor si Danna Hen­son ng 18 kasama ang 15 kills, samantalang nag-ambag si CJ Rosario ng 15 points kasunod ang 13 ni Menchie Tubiera at 11 ni Rialen Sante para sa pa­nalo ng Lady Chiefs.

Umiskor si  Gretchel Soltones ng 20 points para banderahan ang Lady Stags.

Kumuha naman ng ins­pirasyon mula sa kanilang three-game semifinals sweep, giniba ng Junior Al­tas ang Lyceum Junior Pirates, 25-19, 25-19, 25-11, upang maihakbang ang isang paa para sa titulong kanilang nakamit apat na taon na ang nakakalipas sa high school class.

“Hopefully we could win one this year,” sabi ni Per­pe­tual mentor Sandy Rieta.

Idinagdag pa ni Rieta na nakakuha sila ng kum­piyansa matapos ang ma­gandang inilaro sa semis.

“We actually started out slow but we made up for it by playing strong in the se­mis. Now the team is pla­ying inspired because of it,” ani Rieta.

Ang naturang mga pa­nalo ang nagbi­gay sa Per­petual at Arellano ng 1-0 kalamangan sa kani-kanilang best-of-three series ng Ly­ce­um at San Sebastian, ayon sa pagkakasunod.

Pipilitin ng dalawang ko­ponan na walisin ang ka­nilang mga serye sa Game Two bukas.

Naglista si Malden Del­dil ng 14 hits, habang nag­dag­dag sina Vincent Re­ca­mara at Ricky Marcos ng 11 at 10, ayon sa pagkaka­su­nod, para pangunahan ang Junior Altas.

Asam ng koponan ang pang-pitong koro­na na mag­didikit sa kanila sa San Sebastian Staglets na may 15 kampeonato.