SMB, Alaska duha ka semana ray pahuway
CEBU, Philippines – Duha ka semana ra ang matagamtaman nga pahuway sa San Miguel Beermen ug Alaska Aces tungod kay hapit na usab sugdan ang PBA Commissioner’s Cup karong Enero 27 didto sa Mall of Asia Arena.
Ang duha ka koponan kasamtangan nga nagsangka sa All-Filipino Cup finals diin ang San Miguel may kahigayunan nga mosakmit sa kampiyonato kun mudaog sa Game 6 nga giduwa pa ning pagsuwat sa balita.
San Miguel moduwa sa ilang opener sa Pebrero 3 batok sa Kia Sorento, samtang ang Alaska suwayan sa Purefoods Star Hotshots didto sa Big Dome.
Tungod kay usa kini ka reinforcement conference, ang San Miguel magsalig sa ilang import nga si Arinze Onuako, samtang ang Alaska musandig ni DJ Covington.
Ang Beermen ug Aces seguradong magbaton og momentum paingun sa Commissioner’s Cup diin suwayan nila pag-ilog ang korona sa defending champ nga Purefoods. – LPM gikan sa Philstar.com (BANAT NEWS)
- Latest
