Allied, Larobis pabiling way pilde

CEBU, Philippines - Miiskor na sab og daog ang Allied team batok sa undermanned nga Romgen, 116-106 aron magpabiling walay pilde sa Los Amigos Basketball Association (LABA) Commissioner’s Cup 2014 basketball tournament niadtong Miyerkules sa gabii  diha sa Banilad Sports Complex, Mandaue City.

Ang Allied ni team owner Cris Martenito  nag-una  karon sa standing sa ilang 4-0 win-loss record.

Si Rowen Grafe mikadlit og 26 puntos aron maoy mangu sa opensa sa Allied. Si Domingo Rector miugkat og 18 puntos, sila si Gilbert Lisen ug Jeryl Bukiron mihabwa’g 14 puntos matag usa, samtang si Joey Miñoza mitikdol og 10 puntos alang sa Allied nga nagdanga-danga  paingon sa kadaugan human miposte’g 20 puntos nga labaw, 88-68 sa nahabiling 2:47 sa third quarter.

Ang naparot nga Romgen gipangulohan ni Saladua, kinsa mikamada’g 18 puntos, gisundan ni team owner Romeo  Gastardo sa iyang 16 puntos lakip na ang upat ka three-pointers. Sila si Mariano Diola, Brussel Surban ug Ben Mauro pareho sab miiskor og double figures alang sa Romgen nga miaksiyon og sikit pinaagi sa “back-to-back” triples ni Gastardo, 83-90 sa sayong bahin sa final period.

Sa pasiunang duwa, nagpabilin sab nga walay pilde sa duha ka duwa ang Larobis ni team owner Bax Larobis human midaog batok sa Huskies ni Dr. Raul Monteroyo, 79-73.

Gipangulohan ni Asis ang 2-0 nga Larobis pinaagi sa iyang 14 puntos, gisundan ni Canjo Echavez nga mitimang og 12 puntos, samtang sila si Lloyd Chavez ug Ouano miariya’g 10 puntos matag usa.

Sa napildeng Huskies, sila si Richard Madrid ug Eboy Quiñahan mao gihapon ang topscorers sa ilang 23 ug 11 puntos.

Ang  liga  gipasiugdahan sa LABA officers  ubos sa liderato sa ilang presidente nga si Christopher Ubas. Gisuportahan sab kini ni  Banilad Brgy. Capt. Greg Yap ug sa iyang mga konsehales.  Ang mga duwa gidumala ni LABA vice president for external ug Banilad barangay councilor  Gilbert Sebandal.

PUNTOS MATAG USA

Unang duwa:

LAROBIS (79) – Asis 14, Echavez 12, Chavez 10, Ouano 10, Acuzar 9, Gelbolingo 7, Aposaga 6, Niez 3, Rempojo 2, Balo 2, Ancot

2, Larobis 2.

HUSKIES (73) – Madrid 23, Quiñahan 11, Herbieto 8, Angga 8, Monteroyo 6, Bathan 5, Caballero 3, Baunsit 3, Bejasa 2,

Povadora 2, Cuizon 1, Alboro 1.

Ikaduhang duwa:

ALLIED (116) – Grafe 26, Recto 18, Bukiron 14, Lisen 14, Miñoza 10, Mendoza 7, Salonoy 6, Delima 4, Martenito 4, Olmilla 4,

Ranile 4, Cinco 3.

ROMGEN (106) – Saladua 18, Gastardo 16, Diola 14, Surban 12, Mauro 10, Seno 8, Yares 7, Colanse 7, Ygerger 6, Tuyor 4, Ejercito (BANAT PALARO)