El Metodico, Boom-Boom daog sab
CEBU, Philippines - Midaog usab ang mga stable mate ni Donnie Nietes nga sila si ALA Gym stars Milan ‘El Metodico’ Melindo ug Rey ‘Boom Boom’ Bautista kinsa mikulata sa tagsa-tagsa nila ka mga Mehikanong kaatbang sa Pinoy Pride 25 undercards.
Si one-time world title challenger ug WBO International flyweight champion nga si Melindo (31-1, 12KOs) milupig sa puntos ni Mexican Martil ‘Diablo’ Tecuapetla (11-6, 8KOs), samtang si Bautista (35-3, 25KOs) mihimo og impresibong comeback fight batok ni Sergio ‘El Cuate’ Villanueva (26-4, 13KOs).
Gamit ang iyang hait nga mga uppercuts ug straights, si Melindo mikulata ni Tecuapetla kinsa mipakita og kalig-on. Human sa 12 ka rounds nga sinukmagay si Melindo midaog pinaagi sa majority decision.
“Lig-on gyud siya (Tecuapetla) bisan kapila na nako naigo og kusug,†matud pa ni Melindo. “Hopefully sa akong daog mapakita nako nga andam nako sa laing world title shot.â€
Sa iyang bahin, si Bautista kinsa gusto nga mubuhi sa iyang karera isip usa ka world title contender kalmado nga nakigsangka ug milupig ni Villanueva pinaagi sa unanimous decision.
“Nalipay lang ko kay nakabalik og saka sa ring ug dili nako ni usikan nga tsansa nga mabuhi pagbalik akong career,†segun pa ni Boom Boom. (BANAT PALARO)
- Latest
