Baseline darts year-end tourney gitakda

CEBU, Philippines -  Usa ka year-end darts double tournament ang gitakda karong Sabado diha sa Baseline Sports and Recreation Center.

 Mokabat ngadto sa P5,000 nga ganting salapi ang giandam alang sa mga mananaog sa nahisgutang torneyo. Ang champion tandem mobulsa og P2,000, samtang ang mo-okupar sa ikaduha makadawat og P1,000 ug ang ikatulo makaangkon og P600. Mokapyot sa ikaupat gantihan og P400.
 Niadtong interesadong mosalmot, aduna kini registration fee nga P100.
 Human sa pre-Christmas darts tournament didto sa Cabantan, si  Reyden  Colina laraw nga motapos sa tuig pinaagi sa pagkutlo og daog.
 Si Colina uban ni Tata Paglinanawan nidaog sa kampiyonato human nila gipilde ang tandem nilang Jerome Perales ug Orland Rubi. Sila si Jomar Amerol ug Wennie Abella miangkon sa ikatulong dapit. (BANAT NEWS)