Tabora, Layoso bumandera sa BWC national finals

MANILA, Philippines -  Gumawa ng 10-game series na 2055 pinfalls si Krizziah Tabora para pa­ngunahan ang 33 iba pang lady bowlers na umabante sa second round sa 2013 Bowling World Cup natio­nal finals.

Kumatawan sa Pilipinas sa BWC noong naka­raang taon, si Tabora ay a­ngat ng 57 pins kay Rachelle Leon na may 1998 habang  71 pins ang layo ng nasa ikatl­ong si Lara Posadas (1984).

Ang beteranang si Liza del Rosario ang nasa ikatlong puwesto sa 1871.

Nangunguna naman sa kalalakihan si national bowler Benshir Layoso na may 2563 sa 12  games.

May 33 iba pa ang uma­bante at kasama rito ang six-time world champion Paeng Nepomuceno na gumawa ng 2476 para malagay sa ikaanim na puwesto.

Nasa ikalawang pu­wes­to ang national pla­yer na si Raoul Miranda sa 2523 bago sinundan ng ‘di kila­lang si Larry Tinio (2519), J. Em Ang (2491) at Jeff Carabeo (2480).

Maglalaro pa ng 12 ga­mes ang male bowlers ngayon sa Paeng’s Midtown para malaman ang top eight na papasok sa huling araw ng torneo sa Setyembre 20 sa SM Mall of Asia Center.

Ang women’s bowlers ay maglalaban para sa unang walong puwesto bukas sa SM MOA.

Biyahe sa Kras­noyarski, Russia ang premyo ng hihiranging kam­peon sa magkabilang dibisyon para katawanin ang Pilipinas sa 2013 Qubica/AMF Finals.