Dul-an na sa 600 nagparehistro sa Alphan's Run
CEBU, Philippines - Dul-an na sa 600 runners ang nagparehistro alang sa "1st Alphan’s Run for a Scholar" karong Agosto 25 diha sa The Terraces sa Ayala Center-Cebu.
Kapin sa 100 gikan sa mga empleyado sa Mepza, laing 100 gikan sa mga call center agents ug 300 sa Mactan Rock Industries Inc. employees.
Gibahin ang lumba ngadto sa 21k half marathon, 12k, 6k ug 3k categories.
Ang mga kadagkuan sa Alpha Sigma Phi Cebu Alumni Association nga maoy mipasiugda sa maong lumba naglaum nga modaghan pa ang magparehistro sa ilang lumba.
Ang registration fee nagkantidad og P400 sa 21K ug P300 alang sa 12K, 6K ug 3K categories.
Mahimong magparehistro didto sa PNP Regional headquarters, Galeon Enterprises sa Gaisano Grand Mall, ABS-CBN sa Brgy. Jagobiao, Mariners Court Cebu, Parkmall, Cebu City Sports Center, Cebu Post Office ug RUNNR sa Ayala Active Zone.
- Latest
