GCM, MBD gisubha'g daog sa FYA

CEBU, Philippines -  Kulbahinam nga kadaugan ang misugat sa defending champion Brasil-GCMbatok saPastrano’s Special

Chicharon, 86-82 sa pagbukas sa 6th F. Llamas Youth Association (FYA) basketball tournament niadtong Lunes sa gabii

didto sa barangay Tisa gym, ning siyudad.

 Sikit kaayo ang aksiyon sa duha ka koponan gikan gyud sa sinugdanan ug nagtabla pa kini sa nahabiling pipila

ka segundos hangtod nga nakahimo’g krusyal nga steal si Tata Laborte ug mipasa sa bola ngadto niEdot Fernandez nga

naghatag kanila’g 84-82 nga bentaha.

 Ang duha ka free throws ni Laborte maoy miselyado sa duwa, 86-82.

 Si Laborte maoy nangu saGCM nga mihipos og 27 puntos, gisundan ni Fernandeznga adunay 24 puntos.

 Ang Pastrano’s gipangulohan ni Janus Abellana, kinsa mipabuto og 22 puntos samtang si Toper Lavandero

mitira og 21 puntos.

 Sa laing duwa, midaogsab ang MBD Law Office batok sa Harold’s Hotel sa iskor nga 87-78.

 Si Dandan Enriquez mihakot og 21 puntos ug si Nico Laborte mihimo og 20 puntos alang sa MBD Law

Office.

 Nangu sa Harold's Hotel mao si Dondon Cadungog nga miiskor og 22 puntos, gisundan nilang Toper Marata

ug Ep-ep Tolentino nga adunay 15 ug 12 puntos matag usa.

 Karong gabii magsangka ang Pimentel Brokers batok sa Porky 2HP sa unang duwa, sundan sa sangka tali sa

Simple Likes Barbecue Haus ug Grand & Jai (Hayleb).

 Ang FYA gisuportahan ni Tisa barangay captain Tita Cabulao.

PUNTOS MATAG USA

Unang duwa:

 GCM (86) - Laborte 27, E. Fernandez 24, Aregadas 12, Avila 10, Oropa 8, Tapdasan 8, Fernandez 6,

Boysillo 3

 Pastrano’s (82) - Abellana 22, Lavandero 21, Sydiongco 19, Mayol 14, Dacayana 8, Pacubas

Ikaduhang duwa:

 MBD Law Office (87) - Enriquez 21, Laborte 20, Arreglo 14, Canete 10, Antiporta 6, Medalle 5, Lastomen

5, Malicay 4, Masongsong 2

 Harold’s Hotel (78) - Cadungog 22, Marata 15, Tolentino 12, Glodove 7, Macachor 6, Cal 6, Caballes 6,

Sabalande 4, Batoto 1 (BANAT NEWS)