Limasawa hari sa Abbariao Cup 2012

CEBU, Philippines - Gipanitan sa Limasawa Customs Brokerage ni Melchor 'Pahpah' Petracorta ang karibal nga MJDL Customs Brokerage, 81-74 aron sakmiton ang korona sa Bureau of Customs 3rd Maj. Alfonso Abbariao Cup 2012 basketball tournament niadtong Miyerkules sa gabii didto sa Benedicto College gym, A.S. Fortuna street, Mandaue City.

Nagpakitang gilas ang beteranong sentro si Taks Moral aron hatagan ang Limasawa og 10 puntos sa sayong bahin sa duwa, 18-8, apan daling misukli ang MJDL nga mipakatap og 23-19 run ubos sa pagtimon nilang Baeng Medalle ug Janus Abellana aron makan-an ang labaw sa halftime, 37-31.

Nahimo nang sikit ang duwa sa kinatibuk-ang second half ug kanunay na kining nagtabla ug nagbanos-banos lang sab og ilog sa labaw ang duha ka kampo.

Nakuha sa Limasawa ang momentum pinaagi sa mga krusyal kaayong baskets nilang pointguard Francis Palero ug Moral. 

Si Palero miani og 23 puntos alang sa Limasawa, samtang si Moral miamot og 19 puntos. Si Palero mao usab napiling MVP ug siya'y nangu sa Mythical Ten selection nga gilangkuban nilang Crisanto Manulat, Israel Alin, Tata Laborte, Yuls Arevalo, Noel Medalle, Maningo, Moral, Abellana ug Elloren.

Si Medalle maoy nangu sa MJDL pinaagi sa iyang 26 puntos, gisundan nilang Abellana ug Jaymar Elloren nga mibugha og 17 puntos matag usa.

Sa sangka sa ikatulong puwesto, ang Green Team mipilde batok sa Kentkyle Cuisine sa iskor nga 98-90 pinaagi sa 22 puntos ni Jan Mose. Silang Noel Medalle ug Boodee Monteño mitampo og 16 puntos matag usa alang sa Green.

Ang kanhi sentro sa CIT Wildcat nga si Ramil Aniñon maoy nangu sa Kentkyle Cuisine pinaagi sa iyang 18 puntos. Miabag sab si Kenneth Maningo nga adunay 15 puntos ug silang Jingjing Rama ug Gilbert Real mitampo og 12 puntos matag usa. (BANAT)

PUNTOS MATAG USA

Unang duwa:

Green (98) - Mose 22, Monteño 16, N. Medalle 16, Gabica 11, Nadal 8, Dela Cruz 7, Javellana 6, Paghasian 5, Cabrera 4, Apuya 3

KENTKYLE (90) - Aniñon 18, Maningo 15, Rama 12, Real 12, Marata 9, Miscala 9, Caynila 6, Diaz 5, Engracial 2, Espina 2

 Ikaduhang duwa:

LIMASAWA (81) - Palero 23, Moral 19, Largoza 12, Villaronza 5, Sagarino 5, Solana 5, M. Petracorta 4, J. Petracorta 2, Sagario 2, Manlosa 2, N. Petracorta 2

MJDL (74) - B. Medalle 26, Abellana 17, Elloren 17, Cal 6, Dejaresco 4, Trinidad 3,