Simple Likes mipakgang sa GCM

CEBU, Philippines - Bugtong ang Simple Likes Barbecue Haus pa lang ang nakapilde sa gamhanang GCM, 80-77 sa F. Llamas Youth Association (FYA) basketball tournament didto sa Brgy. Tisa, ning siyudad.

Gumikan niini, ang Evoo Resto Bar na lang ang nagpabiling walay pilde sud sa tulo ka duwa ug mao karon ang naghupot sa solong liderato.

 Ang GCM naglabaw unta og usa ka punto, 77-76 sa nahabiling uno minuto, apan nakaiskor si Simple Likes skipper Noel Medalle aron ilogon ang labaw, 78-77 sa katapusang 46 segundos.

Si Ryan Villaver maoy nangu sa Simple Likes sa iyang 29 puntos.

Silang Medalle ug Wako Dacayana parehong miamot og 10 puntos alang sa 2-3 nga Simple Likes.

Ang 3-1 nga GCM gipangulohan ni Tata Laborte, kinsa miposa og 19 points.

Sa sayo pa, ang Vanese Justine midaog batok sa Pimentel Customs Brokers, 69-61.

Si Chissar Llegunas maoy nangu sa 3-2 Vanese Justine sa iyang 22 puntos, samtang si Dexter Caballero mao usab ang nangu sa 1-4 nga Pimentel Brokers.

Puntos matag usa

Unang duwa:

Vanese Justine (69) - C. Llegunas 22, Teves 13, Sydiongco 12, Pesarillo 8, Randy 8, J. Llegunas 4, Jakosalem 4

Pimentel Brokers (61) - Caballero 27, Canete 10, Cajucson 6, Sabalande 6, Monisit 4, Avila 4, Reubal 4

Ikaduhang duwa:

Simple Likes (80) - Villaver 29, Dumaguit 14, Medalle 10, Dacayana 10, Masongsong 7, Cosilla 5, Zapanta 3, Trinidad 2

GCM (77) - Laborte 19, Oropa 17, E. Fernandez 14, Tapdasan 13, EJ Fernandez 8, Palo 2, Avila 2, Boysello 2 (BANAT)