GMA-7 gisubhag daog
CEBU, Philippines - Usa ka scoring rally ang gilusad sa GMA-7 sa final period aron pildehon ang The Freeman-Bombo Radyo, 82-72 sa opener sa Newsmen Basketball Association of Cebu kagahapon didto sa Apas Basketball Gymnasium.
Ang shooter nga si Gabriel Bonjoc nangigo sa three-point area aron moiskor og 24 puntos, samtang ang sentro nga si Renan Quinones miantog og 20 puntos alang sa GMA-7.
Miaksyon og gukod ang The Freeman sa third period dihang ilang ginaug ang labaw sa GMA-7 ngadto sa otso puntos, 60-68 sa third period, apan dali kining naalkontra sa GMA-7 sa final period aron hingpit nga makuha ang daog.
Ang editor sa The Freeman Sports nga si Manny Villaruel mitira og 23 puntos, samtang si Edwin Ian Melecio midugang og 15 puntos ug si Jurel Patiño miamot og 10 puntos.
Sa laing duwa, gilatos sa CCTN-47 ang Cebu Daily News-dyLA, 86-57. Si Levy Sayago mibomba og 30 puntos. Sa laing duwa, gipilde sa TV 5 ang ABS-CBN, 92-85.
(BANAT NEWS)
- Latest
- Trending
