Brown motabang training ni Lopez alang sa Ironman

CEBU, Philippines - Miboluntaryo si Ironman campaigner Dan Brown sa pagtabang ni multi-titled Cebuano runner nga karon triathlete Mendel Lopez sa training niini alang sa nagsingabot nga Ironman Philippines nga gikatakda sa Agosto 5 didto sa Shangri-La Resort and Spa sa Mactan Island.

Si Brown, kinsa nihatag ni Lopez og training program nga nasugdan na niya kagahapon moanhi sa Sugbu pipila ka semana sa dili pa ang gipaabot nga Ironman aron mohimo'g final phase sa iyang training uban ni Lopez ug laing mga Sugbuanon ubos sa Team Fish18 ug Vellum.

 Si Lopez, kinsa suportahan sa Caltex ug Rudy Project modagan ubos sa Filipino elite category.    (BANAT SPORTS)