Bernad milarga na's US alang sa MLB sojourn

CEBU, Philippines - Bugtong si Jesse Bernad lang ang Sugbuanon sa 12 ka Filipino coaches, kinsa nakaangkon og talagsaong oportunidad aron mosaksi sa training camp sa Major League Baseball's Arizona Diamondbacks didto sa Scottsdale, Arizona.

Si Bernad ug uban pang delegasyon sa Pilipinas, migikan kagahapon paingon sa Estados Unidos uban ang paglaum nga makapupo og bag-ong coaching techniques sa baseball nga ilang ipaambit alang sa ilang training program dinhi sa nasud.

Si Bernad ug ang Pinoy coaches mag-train uban sa Diamondbacks sud sa duha ka semana. (BANAT SPORTS)