Hayco Keynote speaker sa 2011 MS Motosuit Motocross annual awards

CEBU, Philippines - Ang chairman sa Cebu City Sports Commission (CCSC) nga si Edward Hayco maoy keynote speaker atol sa 2011 MS Motosuit Motocross Series Annual Awards ugma sa gabii didto sa Teatro Casino sa Waterfront Cebu City Hotel and Casino.

Gawas ni Hayco, lain pang mga inilang indibidwal nga gitakdang motambong mao si Cebu 4th District Rep. Benhur Salimbangon, ANAD Partylist Rep. Jun Alcover, Provincial Board members Sun Kimura ug Joven Mondigo ug Borbon Mayor Butch Sepulveda.

Sa laing bahin, ang   expert rider nga si Kimboy Pineda maoy leading contender alang sa "Rider of the Year" award.

Gawas ni Pineda, ang laing pasidunggan sa ilang tagsa-tagsa ka kategoriya naglakip ni John Flores (intermediate), Cyril Tariman (novice), Donkey Sanchez (open enduro), BJ Pepito (peewee), Rey Quirol (beginner's production ug local enduro), Jun Enriquez (executive A), Roscel Gungob (executive B) ug Jerry Sicad (executive C). (BANAT SPORTS)