MANILA, Philippines - Umaabot sa P2 milyon ang papremyo sa Roligon Mega Cockpit 22nd anniversary 5-cock derby na suportado ng B-MEG Derby Ace sa Quirino Avenue, Barangay Tambo, Parañaque nitong darating na Pebrero 6 at 9.
Dagdag pa sa naturang guaranteed prize ay ang pot money na nagkakahalaga ng P11,000. Ang mananalong handler at gaffer naman ay magbubulsa ng P70,000 at P35,000 ayon sa pagkakasunod. Ang minimum bet ay P5,500 lamang.
Sa 3-cock eliminations naman na gaganapin sa Pebrero 6 ay mayroong guaranteed prize na P100,000 habang ang mananalong handler at gaffer naman mayroong P20,000 at P10,000 ayon sa pagkakasunod.
Ang weight limit sa championship round sa Pebrero 9 ay 1.8-2.4 kgs at ang pagsumite ng mga timbang ay isang araw bago ang derby (alas-9 ng umaga hanggang alas-9 ng gabi). Ang derby ay sa ilalim ng Team Roligon at ang host ay si Dennis Ligon.
Para sa iba pang impormasyon, tumawag lamang sa teleponong 8512275 at 8531638 o mga cell phone numbers na 09209509090 (Shirly), 09084320829 (Mario), 09166584106 (Nestor) 09284965005 (Tiling) at 09192702110 (Jeng).