Japanese boxers nangapilde sa Summit amateur boxing

CEBU, Philippines - Parehong milampos sila si Jeffrey Patricio sa Sanai Boxing Gym ug Rolando Lingaw-lingaw sa Bukidnon sa ilang tagsa-tagsa ka misyon batok sa Japanese fighters sa Summit Natural Drinking Water Amateur Boxing series sa miaging gabii didto sa Gaisano Countrymall carpark.

Si Patricio miiskor og 3-0 nga kadaugan batok ni Eziri Kazuma, samtang si Lingaw-lingaw mihimo sab og susamang kadaugan batok ni Takaoki Noma sa laing 58 kgs. match.

Midaog sab sila si Rolan Servania batok Margarito Moya, Polid Banal batok Ferde San Roque, Cherwellan Cantel batok JK Malupay.

Si Eleno Traya midaog batok Ryan Catagulla, Dann Lou Codilla mikulata ni Mardy Muana, si Bryan Remedio midaog batok     Marvin Lulu.  (BANAT SPORTS)