Floyd Mayweather tatawaging duwag kapag iniwasan muli si Manny Pacquiao

MANILA, Philippines - Kung muling aatrasan ni Floyd Mayweather, Jr. si Manny Pacquiao, pinatutunayan lamang nitong takot ang American fighter sa Fi­lipino world eight-division champion.

Para lamang matuloy ang kanilang upakan ng 34-anyos na si Maywea­ther, handa ang 33-anyos na si Pacquiao na tumanggap ng mas mababa sa 50% na prize purse.

Ngunit walang binanggit si Pacquiao kung mag­ka­no ang handa niyang tang­gapin, ayon sa kanyang le­gal adviser na si Franklin Ga­cal.

“There’s no specific amount, no specific per­cen­tage yet. But he has ag­reed to a smaller share of the purse. The public has been waiting for this fight, and Manny is giving it to them,” wika kahapon ni Gacal.

Ipinakita lamang umano ng Sarangani Congress­man ang kanyang pagmamahal sa boxing.

“That’s how Manny loves the sport of bo­xing, and how he loves the fans. He said it’s his way of thanking the fans,” ani Ga­cal.

Ang Pacquiao-May­wea­ther mega-fight ang gus­tong mapanood ng mga boxing fans sa buong mun­do at inaasahang haha­kot ng milyun-milyong dol­yar sakaling matuloy sa 2012.

Maaaring tumanggap si­na Pacquiao at Maywea­ther ng guaranteed purse na tig-$50 milyon.

Posible rin nitong masi­ra ang kasalukuyang pay-per-view record na 2.4 million buys na inilista ni May­weather sa kanyang la­ban kay Oscar Dela Hoya no­ong 2007.

Wala pang laban na na­kakabasag ng nasabing re­kord.

Kamakailan ay inihayag ng Filipino boxer na hindi siya tatanggap ng 50% na prize purse.

Ngunit ngayon ay han­da na siyang tumanggap ng mas maliit na porsi­yento maitakda lamang ang kanilang bugbugan ni May­weather.

“Manny wants the fight to happen, and give the fans what they deserve,” wi­ka ni Gacal.

Hindi na isyu ang drug-testing procedure dahil pumayag na si Pacquiao na gawin ito para pagbigyan si Mayweather.