CEBU, Philippines - Gipakuratan sa FYA Selection ang defending champion Warhawks human kini mo-iskor og kulbahinam kaayong 56-53 nga kadaugan aron langkaton ang korona sa Tuesday Club Inter-Company basketball tournament niadtong Domingo sa gabii didto sa Abellana Sports Complex sa Sawang Calero, ning siyudad.
Biya unta ang FYA og singko puntos sa nahabilin 58 segundos sa duwa, 48-53, apan nakapasulod si Noel Medalle og three-pointer nga maoy bugtong niyang basket niadtong duwaa aron mosikit, 51-53, nasundan kini sa three-point play ni Dexter Caballero alang sa 56-53 nga kadaugan.
Ang kanhi UC Webmasters shooting guard nga si Daniel Enriquez maoy nangu sa FYA human siya miposa og 15 puntos, samtang si Caballero midugang og 11 puntos.
Tulo ka players sa Warhawks ang mibahog og double figures lakip ang junior varsity sa Cebu Eastern College (CEC) Dragons nga si Raymond Sypongco, kinsa mi-iskor og 10 puntos.
Ang maong torneyo gidumala ni Paul Recla Beniberito.
PUNTOS MATAG USA
FYA Selection (56) - Enriquez 15, Caballero 11, Cadungog 9, Villaver 6, T. Laborte 4, Llegunas 3, Medalle 3, Trinidad 2, N. Laborte 2, Patalita 2
Warhawks (53) - Dela Cruz 12, Sari 12, R. Sypongco 10, Giluan 5, Caraga 4, Clyde 4, Concepcion 2, Lagasator 2, Sypongco 2 (BANAT SPORTS)