ANKLA nagsolo liderato sa FYA

CEBU, Philippines - Mikadlit og sagunson nga singko puntos si Royce Sonsona sa katapusang 25 segundos aron baswaton ang ANKLA ngadto sa kulbahinam kaayong kadaugan batok sa CRV 82-81, samtang ang OMKI Mega Volts midemolis sa Ernest Jay, 84-67 sa 3rd F. Llamas Youth Association (FYA) basketball tournament didto sa Sitio Manggahan open court sa Brgy. Punta Princesa, ning siyudad.

Biya pa unta og kuwatro puntos ang ANKLA, 77-81 sa nahabiling 25 segundos, apan abtik kaayong mihakot og singko puntos si Sonsona sa katapusang 10 segundos sa duwa human mosipyat si Dexter Caballero sa iyang duha ka free throws.

Si Sonsona miposa og 18 puntos aron pangulohan ang ANKLA, samtang si Chissar Llegunas miamot og 17 puntos ug si Burnong Endrina mitampo'g 12 puntos.

Si Caballero maoy topscorer sa CRV pinaagi sa iyang 19 puntos, gisundan nilang   Ep-ep Torrelisa ug Ranel Patalita nga   adunay 14 puntos matag usa.

Ang torneyo gipaluyohan ni tournament director Boy Atillo.

PUNTOS MATAG USA

Unang duwa:

OMKI (84) - Orbita 16, Jakosalem 12, Rabi 11, Atillo 10, Reubal 8, Caolla 6, Tabares 5, Avila 4, Labrador 4, Gemperoa 4, Martinez 2

Ernest Jay (67) - Limbaga 21, Medalle 13, Martillan 13, Alcueno 6, Labrador 5, Sabalande 4, Dela Mar 4, E. Sabalande 2, Avila 2

Ikaduhang duwa:

ANKLA (82) - Sonsona 18, Llegunas 17, Endrina 12, Masongsong 8, Pardenilla 7, Aglipa 6, Hondeni 4, Joedon 3, Avila 2

CRV (81) - Caballero 19, Torrelisa 14, Patalita 14, Tomada 9, Cañete 5, Enriquez 4, Villacastin 4, Ago 4, Garcia 3, Dacayana 2  (BANAT NEWS)