100 na nagparehistro sa Xterra Triathlon

CEBU, Philippines - Kapin na sa 100 elite local ug foreign runners ang nagparehistro sa gikahinamang Xterra Philippines Triathlon Championship karong Domingo didto sa Amara, Liloan.

Gipaabot nga modaghan ang mga langyaw'ng triathletes ang moabot karong Biyernes aron mosalmot sa maong kompetisyon.

"We are expecting this Friday na darating na yung mga foreign participants na nanggaling pa sa malalayong bansa para lang lumahok sa race," matud pa ni over-all race director Guy Concepcion atol sa ilang tigum uban sa tanang marshals ug race directors didto sa Waka Waka Grill sa barangay Lahug.

Ang nasud sa United Kingdom, Scotland, Switzerland, Canada, USA, Malaysia, Singapore, Japan ug USA mopadala sa ilang top triathletes alang sa maong lumba.

Ang triathlon race sugdan sa 1.5km. swim nga manukad duol sa nabantog nga century-old Liloan lighthouse, sundan sa 32km. bike libot sa Camotes sea ug dayon ang 10km. run paingon ngadto sa finish line.

Kompirmado na ang pagsalmot sa mga foreign elite triathletes nga gipangulohan ni defending Xterra world champion  Shonny Vanlandingham, 2009 ug 2010 Guam champion Sam Gardner ug 2009 Germany top finisher Rena Bucher.

Ang Sugbuanang si Lorhiz Echavez ug kanhi Ironman king Noy Jopson maoy atngan alang sa local triathletes.    (BANAT NEWS)

Show comments