CEBU, Philippines - Mikulit og usa ka come-from-behind victory ang Evan Aulga Hardware ni team owner Raul Sollano human ilang gilubong ang Triple R, 96-82 sa pagbukas sa Guadalupe Athletic Association (GAA) Founder’s Cup niadtong Domingo didto sa Guadalupe Sports Complex.
Sa ikaduhang duwa, naka-ipsot ang Swan batok sa Sto. Niño-RBI sa iskor nga 94-91.
Si Gaga Cabanilla, kanhi coaching staff sa Skygo Motors sa CBF, maoy nagtimon sa opensa sa Evan Aulga diin siya maoy nangunay og pamuntos sa second ug fourth quarter uban sa iyang mga assists.
Sila si Greg Bamba ug Juanito Sasing maoy nangu sa Swan.
Napulo ka teams ang misalmot sa GAA nga pagaduwaon matag adlaw'ng Martes, Huwebes ug Domingo.
Si David Suzara maoy bag-ong GAA commissioner. – BANAT NEWS