Time Out Basketball Clinic dawat pa gihapo'g mga entrante

CEBU, Philippines - Modawat pa gihapon og mga partisipante ang organizers sa Time Out Basketball Clinic alang sa ilang usa'g-tunga ka bulan nga training camp nga gisugdan kagahapon diha sa Cebu Coliseum.

Pagadumalaon kini ni kanhi Cebu Gems assistant coach Rex Salvaña uban sa mga kanhi commercial stars nga sila si Teroy Albarillo ug Reggie Licanda.

Sa usa ka libo nga registration fee, ang mga entrante makadawat og training jersey ug basketball.

Bukas sa mga batan-on nga nagpangedaron og 17-anyos, ang training camp gibahin ngadto sa duha ka levels -- ang beginners gikan sa alas-8 hangtod sa alas-10 sa buntag ug ang advanced gikan sa alas-10 sa buntag hangtod sa alas-12 sa udto.

Atol sa clinic, ang mga partisipante pagatudloan og mga fundamentals sa paugnat sa kusog sama sa dribbling, passing, shooting, footwork, on-court communication, defensive ug offensive strategies ug uban pa nga mga importanteng elemento sa basketbol.

Alang sa dugang mga kasayoran, mahimong motawag o text sa 0933-4675922 o 0905-6554203. (BANATSPORTS)