CEBU, Philippines - Puno sa paglaum ang Cebuano martial artist nga si Marniel Dimla nga makahatag og dungog sa nasud sa iyang pagsalmot sa World Championship sa Pencak Silat XIII karong Disyembre 12-17 didto sa Jakarta, Indonesia.
Ikaupat na kining higayon ni Dimla nga moduwa og World Championships.
Si Dimla maoy silver medalist niadtong tuig 2004 didto sa Singapore ug gold medalist sa SEA Games niadtong tuig 2005. Puno sa kompiyansa si Dimla tungod kay iya na nga gipangpilde ang pipila ka partisipante nga moapil didto sa Jakarta.
Uban usab ni Dimla ang 18-man Philippine contingent nga mosangka sa torneyo nga gisalmotan sa 32 ka nasud sa tibuok kalibotan. – BANAT NEWS