CEBU, Philippines - Mitimbre og 3-0 nga kadaugan ang team Carlsen sa finall round aron paghari sa labing ulahing edisyon sa Deep Blue D' Woodpusher Chess Team Tournament diha sa Deep Blue Chess Club sa ikaduhang andana sa SM City-Cebu.
Ang Carlsen nga gimaneho nilang Apollo Dante, Allen Borbon ug Ferdinand Carlos, yano kaayong milaglag sa Kasparov nilang Mandy Baria, Manuel Abucay ug Saturnino Sanchez aron tapuson ang five-round Swiss system bitbit ang 13.0 puntos. Ang tulo otomatik sab nga miguho isip gold medalists sa ilang tagsa-tagsa ka boards.
Ang Spassky nilang Miguel Banibane, Gerry Rallos ug Jovert Uy mi-okupar sa ikaduhang dapit uban ang ilang 9.0 puntos, samtang ang Kamsy nilang Romeo Lumanog, Mark Alvarado ug Roger Pelose nalandig sa ikatulo sa ilang 8.0 puntos.
Ang lain pang mga partisipante mao sila si Maggi Dionson, Felix Balbuena ug Condrad Pasion saTeam Anand ug Randy Cabuncal, Freddie Casagan ug Ramon Tapia sa Team Sokolov.
Gidumala ni international arbiter Marvin Ruelan sa abag ni Tony Cabibil, ang usa ka adlaw nga kalihukan nahimong posible pinaagi sa suporta nilang Carlos Tan, Jun Mendoza, Maggi Dionson ug Edgar Hortelano. (BANAT)