CEBU, Philippines - Wala mopatim-aw ang kontra sa Bureau of Customs (BO) Port of Cebu team ni coach Rady Abarintos ug midaog na sab sila pinaagi sa forfeiture batok sa Cebu Technological University (CTU) dribblers kaniadtong Biyernes atol sa nagpadayong Association of Regional Executive in National Agencies (ARENA-7) basketball tournament didto sa CENTCOM covered court sa Camp Lapulapu, Lahug, ning dakbayan.
Ang BOC dribblers naghupot na karon og 2-1 nga baraha ug makigsangka sila sa host Bureau of Internal Revenue (BIR) sa Miyerkules diin nahimutang sa must-win situation ang BOC aron makakuha’g kahigayonan nga moabante sa semifinals.
Ang labing una nilang pilde naggikan sa mga kamot sa Court of Appeals apan midaog sab sila pinaagi sa default batok sa Cebu Normal University (CNU) Faculty kinsa mibutho didto sa benyu nga dili kumpleto’g uniporme. (BANATSPORTS)