CEBU, Philippines - Kompirmado na nga modagan ang Fil-Italian nga actor, model ug racer nga si Matteo Guidicelli sa Run to the Max Series 3 karong Domingo diha sa Holiday Gym sa barangay Banilad, dakbayan sa Mandaue.
Ang kanhi three-time Philippine Karter of the Year nga si Guidicelli nakahukom nga sination ang nagkadakung running boom sa iyang pagbalik sa iyang yutang natawhan dinhi sa Sugbu.
Si Guidicelli modagan ubos sa 8K category.
Si Annie Neric, usa sa mga organizers mipahibalo nga kapin na sa 1,500 runners ang nipadayag sa ilang partisipasyon. Lakip na niini si Mary Grace Delos Santos, Mary Joy Tabal, Joebert Carolino, Noy Jopson ug running couple Mendel Lopez ug Lorhiz Echavez.
Dul-an sa P50,000 ganting salapi ug medalya ang gi-andam alang sa mga mananaog sa maong lumba nga magsilbeng opening salvo sa ikalimang anibersaryo sa Holiday Gym and Spa. – BANAT NEWS